One funny incident

అవి నా 10th క్లాసు వేసవి సెలవల రోజులు. ఖాలిగా వుండటం కంటే, కోచింగ్ కి వెళ్ళటం బెటర్ అని పాలిటెక్నిక్ ఎంట్రన్స్ టెస్ట్ కోచింగ్ కి జాయిన్ అయ్యాను. ప్లేస్ మా పిన్ని వాళ్ళ వూరు అవ్వటం తో నేను డే-స్కాలర్ని అయ్యాను.

మా అమ్మ శాంతం ఐతే మా పిన్ని సూర్యకాంతం. బుక్స్, రూల్స్ అని నస పెట్టినా, నేను చేసే అల్లరి మాత్రం మా పేరెంట్స్కి ఎకరువు పెట్టేది కాదు. తనకి ఒక్కటే కూతురు అవ్వటం వల్ల నన్ను సొంత కొడుకు లా చూసుకునేది. బై బర్త్ వచ్చిన బద్ధకం వల్ల నేను క్లాసు కి ఎప్పుడు లేట్గ వెళ్ళేవాడిని, ఇంటికి మాత్రం త్వరగా వచ్చేవాడిని.

ఆ వూరిలో నాకొక ఫ్రెండ్ వుండేవాడు.. వాడు మాకు దూరపు బందువు కూడా. కాని నేను వాడితో సావాసం చెయ్యటం మా పిన్నికి ఏమాత్రం ఇష్టం లేదు. మన పిల్లలు పసివాళ్ళు, పక్కింటి పిల్లలు పోకిరి వాళ్ళు అనుకోవటం ప్రతి తల్లి కి అలవాటు !!!.

తొలకరి కి తొందరపడ్డ వర్షం లా నేను త్వరగా వస్తే, ఎండాకాలం వడగాలి లా వాడు ఎప్పుడు ఇంటి దగ్గరే తిరుగుతూ వుండే వాడు. ఇద్దరం కలిసి ఎండా , వాన తేడ తెలియకుండా క్రికెట్ ఆడేవాళ్ళం. నేను వచ్చింది క్రికెట్ కోసమో, కోచింగ్ కోసమో తెలియక మా పిన్ని కన్ఫుజ్ అయ్యేది.

ఆ ' గాలి ' తో తిరుగుడు భరించలేని మా పిన్ని, చల్లని కోలా నాకు ఇచ్చి,చిన్నగా క్లాసు తను తీసుకుంది. నేను మార్గదర్శి లో చేరాను, మా పిన్ని కి ఒక స్టొరీ చెప్పాను. " భారత దేశం లో టాప్ 10 విష సర్పాల్లో 7 కర్ణాటక లోనే వుంటాయి అంట. అవి కర్ణాటక లోని గంధం చెట్లకు చుట్టుకుని వుంటాయి అంట ఎందుకంటే అక్కడి పాములు, గంధం చెట్లు మంచి ఫ్రెండ్స్ ... ఎన్ని ఎక్కువ పాములు చుట్టుకుని వుంటే, ఆ చెట్టు గంధం అంత మంచిది అని అక్కడి గంధంపు దొంగల నమ్మకం. కాని ఎంత కాలం కలసి వున్నా, ఆ చెట్ల లోని గంధం ఆ పాముల్లోకి రాదు, ఆలాగే పాములోని విషం గంధం లోకి వెళ్ళదు .... అదే విధంగా మన చుట్టూ ఫ్రెండ్స్ ఎలా వున్నా, మనం కరెక్ట్ గ వుంటే ఏమి అవ్వదు" అని చెప్పా. నా స్టొరీ విన్న ఆ తల్లికి గొంతు మూగపోయింది, నా చెల్లి కి వస్తున్నా నిద్ర ఆగి పోయింది.

అప్పటి నుంచి " చూసి వెళ్ళాలి, షూస్ వేసుకేల్లాలి " లాంటి రూల్స్ లేకపోవటం తో నా పని 3 కోచింగ్ క్లాస్స్లు 6 క్రికెట్ మ్యాచ్ లా వుండేది. మా పిన్ని కూడా ' మా అబ్బాయి చాల మంచోడు' అనుకునేది. సడన్ గ మా చుట్టాలబ్బాయి నాకు చుక్కలు చూపించాడు.వాడు ఎవరి మీద రాయి వేసిన దెబ్బ మాత్రం నాకే తగిలేది.... వాడి తప్పులు ... నాకు అప్పులు .... వాడి గొప్పలు .... మాకు తిప్పలు... వాడి పాపాలు... మాకు శాపాలు. ఫలితంగా లైఫ్ లో ఇలాంటి మిత్రుడు పక్కన వుంటే శత్రువులు వుండాల్సిన అవసరం లేదు అనుకునేలా చేసాడు.

కోచింగ్ లో వీక్లీ టెస్ట్లు బోర్ గ వుండేవి... టాప్ 10 రాన్కర్స్ లిస్టు బోర్డు మీద వుండేది. కొన్ని సార్లు నాకు 1st రాంక్ వచ్చేది.... మా సర్ కి మాత్రం క్రాక్ వచ్చేది..నేను చిన్నప్పుడు మంచి వాడిని అని( మా సర్ అండ్ మా పెదన్నాన్న ఫ్రెండ్స్ సో నేను మా సర్ కి చిన్నపాటి నుంచి తెలుసు)... ఈ మధ్య ఎక్ష్త్రాలతొ ఎదవలా అయ్యాను అని ఆయనకు నా మీద చాల కోపం వుండేది అందుకే కనిపించిన ప్రతిసారీ తిడుతూ వుండేవాడు.... అందుకే నేను ఆయనకు కనిపించకుండా తిరుగుతూ వుండేవాడిని.

కోచింగ్ లో నాకు ఒక ఫ్రెండ్ వుండేవాడు... వాడు చాల మంచి వాడు. పది రోజుల్లో మేము మంచి ఫ్రెండ్స్ అయ్యిపోయాము. అలాగే పద్దు అని ఒక అమ్మాయి వుండేది... అందంగా అమాయకంగా అణకువగా వుండేది... కనిపించినప్పుడు నాకు ఒక స్మైల్ ఇచ్చేది... నాకు ఎవరినా స్మైల్ ఇస్తే ఇష్టం వుండదు అందుకే తన స్మైల్ తనకి తిరిగి ఇచ్చేవాడిని.

ఆ రోజు ఫైనల్ ఎక్షామ్ రాయటానికి విజయవాడ వెళ్ళాము.. ఎక్షామ్ రాసాము...రాంక్ ఎంత వస్తుంది అని మా సర్ అడిగారు.... నేను ఆలోచించి ఐదు వేలు లోపు వస్తుంది అన్నాను....అయన అలోచినకుండానే అక్షింతలు వేసారు.... మా ఫ్రెండ్ ఒకడు వాడికి 100 లోపు వస్తుంది అని చెప్పాడంట... వాడు బాగా రాసాడు అని వాడిని ఎంకరేజ్ చేస్తే భావుండేది.... నన్ను డిస్కరేజ్ చెయ్యటం మాత్రం భాలేదు.... తిడతారు అని చెప్పి ఫ్లాప్ ని హిట్ అని చెప్పలేం కదా ...

తిరిగి వచేటప్పుడు, నేను నా కోచింగ్ ఫ్రెండ్ పక్కనే కూర్చున్నాం. మా ముందు సీట్లో పద్దు కూర్చుంది. ఇద్దరు మిత్రులు సినిమాలో పాటలు వింటూ .... ఆ ఇద్దరు మిత్రులు మేమే అనుకుంటూ... నూటొక్క జిల్లాల్లో పద్దు లాంటి అమ్మాయి లేదు అనుకుంటూ వస్తున్నాము... ఇంతలొ పిడుగులా పద్దు పర్సు నా కాళ్ళ ముందు పడింది. తీసి చూస్తే, తినటానికి ఒక చాకొలేట్, తీసుకోవటానికి ఆరు వందల నోట్లు కనిపించాయి. పనికిరాని వన్ని పర్సు లో పెట్టేసి పద్దుకి వాపసు ఇచ్చేసా. నా టీ-షర్టుకి పాకెట్ లేకపోవటం వల్ల , నావి ఏడు వందలు, పద్దువి ఆరు వందలు కలిపి మొత్తం పదమూడు వందలు నా ఫ్రెండ్ పాకెట్ లోకి వెళ్ళాయి. ఆ తర్వాత నేను నిద్ర పోయాను.

మా ప్లేస్ కి పది కిలోమీటర్ల దూరం లో నా ప్రక్కన కూర్చున్న ఫ్రెండ్ దిగిపోవటానికి నన్ను నిద్ర లేపాడు. వాడు అక్కడ ఇంకో బస్ ఎక్కి వేరే వూరు వెళ్ళాలి. వాడికి బై చెప్పి మళ్ళి పడుకున్నా. మా కోచింగ్ సెంటర్ కి వచ్చాక, హాస్టల్ వాళ్ళు అంతా వెళ్ళిపోవటానికి రెడీ అవుతూ హడావిడగా వుంది. మధ్య మధ్య లో పద్దు కనిపించి నవ్వుతుంది.ఫ్రెండ్ చేంజ్ అడిగితే పాకెట్ లోకి చెయ్యి పెట్టా.... పద్దు ఎందుకు నవ్వుతుందో అప్పుడు అర్థం అయ్యింది. నా మనీ అండ్ పద్దు మనీ కూడా మా ఫ్రెండ్ దగ్గర వుండిపోయాయి.పక్కన వున్న ఫ్రెండ్స్ కి స్టొరీ మొత్తం చెప్పటం కన్నా తనకే చెప్పటం మంచిదని పద్దు వద్ద కు వెళ్ళా.

నన్ను తంతుందో, తిడుతుందో అనుకున్నా... తను మాత్రం నవ్వుతుంది....ఆ టైం లో కూడా తను నవ్వటం నాకు నచ్చింది, అందుకే నేను తన స్మైల్ తిరిగి ఇవ్వలేదు.....తనతో నేను అప్పటి వరకు అసలు మాట్లాడలేదు.మొదటి సారి మొహమాటంగా " డబ్బులు వున్నాయా" అని అడిగా... తను నవ్వుతు డెబ్బయి రూపాయిలు చూపించింది. అందులో యాబయి రూపాయిలు తీసుకుని నలబై నిమిషాల్లో వస్తా అన్నాను... తను " ఈ ఇరవై రుపాయిలతో ఇంటికి వెళ్లిపోవచ్చు" అంది. నేను వచ్చాక, మీరు వెళ్ళొచ్చు అని సైగ చేసి అక్కడనుంచి నేను బస్సు స్టాప్ కి వెళ్ళాను.

నా ఫ్రెండ్ చాల మంచివాడు అని నాకు నమ్మకం... ఆ నమ్మకమే వాడు వాళ్ళ వూరు వెళ్ళకుండా మధ్యలో దిగిన వూరిలోనే మూడు గంటలు నాకోసం బస్ స్టాప్ లోనే వెయిట్ చేస్తాడని ఆశ కలిగించింది. కట్ చేస్తే, 20 నిమిషాల తర్వాత ఆ వూరి బస్ స్టాప్ లో దిగాను.... అప్పటికే ఆకలితో అరటి పళ్ళు తింటున్న వాడిని చూసి చాల ఆనంద పడ్డాను.. వాడికి నా భాద మొత్తం చెప్పి తేలిక పడ్డాను..వాడి దగ్గర డబ్బులు తీసుకుని, తను నేను వెళ్ళేవరకు వుంటుందో వెళ్ళిపోతుందో అని కొంచం టెన్షన్ పడ్డాను... అలా పడుతూ, లేస్తూ వెళ్లి తన డబ్బులతో పాటు వీడ్కోలు కూడా ఇచ్చాను.. నేను బై చెప్పాను అనుకున్నా.... కాని నాకు తరువాత తెలిసింది అది గుడ్ బై అని.

It remains one of the unforgettable funny incident in my life.

One day @Bangalore

' డాన్స్ పే ఛాన్స్ మార్ లే ' అన్న సౌండ్ విని నాకు మెలకువ రావటం, నేను కంగారు పడటం ఒకే సారి జరిగాయి...... నేను కంగారు పడింది నిద్ర లేచినందుకు కాదు ... నా అలారం టోన్ ఎందుకు మారింది అని.... అప్పుడే నాకో విషయం అర్థం అయ్యింది .... ఆ వచ్చే సాంగ్ నా మొబైల్ నుంచి కాదు MTv నుంచి అని.... ఐనా నేను ఏడింటికి పెట్టుకున్న అలారం ఏడు సార్లు మోగకుండా నిద్ర లేవటం ఎందుకు లే అని మల్లి పడుకున్నా. అలా పడుకుని రెండు నిమషాలు కూడా కాలేదు, మా పక్కింటి వాళ్ళు మోటార్ వెయ్యటం, మా బావ బాత్రూం నుంచి బయటకు రావటం ఒకే సారి జరగటం తో ఆ మోటార్ సౌండ్ , మా బావ షాంపూ స్మెల్ తో నేను నిద్రపోలేను లే అని లేవటానికి డిసైడ్ అయ్యా . అసలు మా పక్కింటి వాళ్ళు వాటర్ కోసం మోటార్ వేస్తారో లేక మమ్మల్ని నిద్ర లేపటం కోసం వేస్తారో అర్థం కాదు.....

ఇంజనీరింగ్ చేసాక GATE రాయని వాళ్ళు అన్నా.... ఇంట్లోకి వచ్చాక GATE వేసేవాళ్ళు అన్నా మా బావకు చాల చిరాకు అందుకే బాత్ రూం డోర్ వెయ్యకుండానే వెళ్తున్నాడు.....అందుకే బాత్ రూం వైపు చెయ్యి చూపి, డోర్ క్లోజ్ చెయ్యి బావ అన్నా...వాడు బెడ్రూం డోర్ క్లోజ్ చేసి హల్లోకి వెళ్ళాడు.మా బావ కి బ్రెయిన్ లో 2 parts వున్నాయి . Left part has nothing left in it and Right part has nothing right in It. అందుకే నేను లేచి..డోర్ క్లోజ్ చేసి...దేవునికి ప్రే చేసి...బ్రష్ కి పేస్టు వేసి...ఫ్యాన్ ఆఫ్ చేసి...ఇంటికి వచ్చిన ఈనాడు పేపర్ చూసి...బాత్ రూం లోకి దూరాను.

నేను రెడీ అయ్యి, కాళ్ళకి షూస్ వేసుకుంటున్నా, మా ఇంకో రూం మేట్ ఏదో సెటైర్ వేసాడు, వాడికి ఎదురు సెటైర్ వస్తే ఇంకా నేను రిటైర్ అయ్యే వరకు వదలడు అని తెలిసి, ఒక చిన్న స్మైల్ ఇచ్చి, రూం నుంచి బయటకి వచ్చాను. ఎందుకంటే మా వాడు ప్రాస కోసం ప్రాణాలు ఇస్తాడు.... వాడి ప్రాణాలు అనుకుంటున్నారేమో .... ప్రక్కనున్న వాడి ప్రాణాలు.

2 ఇల్లు తర్వాత ఒక ఇంటి ముందు ఒక చిన్న పాప స్కూల్ కి రెడీ అయ్యి బస్సు కోసం వెయిట్ చేస్తుంది...ఒక టర్న్ తీసుకుని మార్థహళ్లి మెయిన్ రోడ్ లోకి వచ్చేసరికి అక్కడ ఒక అబ్బాయి(ఇంటర్ అనుకుంట) కాలేజీ బస్సు కోసం వెయిట్ చేస్తున్నాడు....... కొంచం ముందుకు నడిచేసరికి అక్కడ మా ఫ్రెండ్ TCS బస్సు కోసం వెయిట్ చేస్తున్నాడు.... స్కూల్ నుంచి కాలేజీ కి దాని తర్వాత ఆఫీసు కి ... వయసు మారినా, బస్సు కోసం వెయిటింగ్ మారలేదు.

ఆఫీసు కి వచ్హాక ఒక అందమైన అమ్మాయి కనిపించింది... పైన పేస్ చూసి భావుంది అనుకున్నా.. కింద కాళ్ళు చూసి అసలు భాలేదు అనుకున్నా....నేను భాలేదు అనుకున్నది ఆమె కాళ్ళు కాదు .... ఆ కాళ్ళకి మెట్లు వుండటం...అంతలో ఆ అమ్మాయికి సారీ అంటి కి కాల్ వచ్చింది... మేరా నెంబర్ కబ్ ఆయేగా(ఇంకో అమ్మాయి మొబైల్లో ) అనుకుంటూ నా ప్లేసుకి వెళ్ళా.... మా పక్క టీం వాడు కనిపించాడు.... వాడికి ఆఫీసు పని అంటే కష్టం.. ఆఫీసు మనీ అంటే ఇష్టం.... వాడి వల్ల ఆఫీసు కి మాత్రం చాల నష్టం.... ఆఫీసు కి అంటే అదేదో అడవికి వెళ్ళిన టైపు లో వస్తాడు....

సిస్టం ఆన్ చేసి, ఆఫీసు మెయిల్స్ చెక్ చేస్తున్నా... మా టీం మేట్స్ వచ్చి టిఫ్ఫెన్ కి పిలిచారు..... మా బ్రహ్మాచారుల బాచ్ లో ఒక సంసారి కూడా వస్తున్నాడు.. ఎప్పుడు ఇంట్లో టిఫ్ఫెన్ చేసే వాడు మాతో ఎందుకు వస్తున్నాడో తెలియలేదు.... ఇంట్లో మీ ఆవిడ కొట్టిందా అని అడిగాడు ఒకడు...ఒక స్మైల్ ఇచ్చి , ఈరోజు లేట్గ లేచాము అని చెప్పాడు తను .... తనని చూస్తే సంసార సాగరం లో ఎదురు ఈదుతున్నడమో అనిపించేది..ఈరోజు చూస్తే ఈదలేక కొట్టుకు పోతున్నాడు అనిపించింది.

కాఫెటేరియా కి వెళ్లి పొంగల్ తీసుకుని తిందామని కూర్చున్నా... వాడు రైస్ లో డాల్డా వేసాడో లేక డాల్డా లో రైస్ వేసాడో అర్థం కాలేదు కాని పొంగల్ లో డాల్డా చాల ఎక్కువ అయ్యింది అని అర్థం అయ్యింది ....తింటే పొట్ట ఆకారం పెరుగుతుంది... తినకపోతే పొట్టలో ఆకలి పెరుగుతుంది.. దేనిని పెంచాలా ? అని ఆలోచిస్తున్నా...ఇంతలొ మధ్యానం పార్టీ వుంది అని ఒకడు గుర్తు చేసాడు... ఐతే ఆకలి ని పెంచుదాం అని డిసైడ్ అయ్యాను.

క్యుబికల్కి వచ్చి కుర్చుని కోడింగ్ చెయ్యటం స్టార్ట్ చేశా... లంచ్ కి వేళాయెరా అని మా ఫ్రెండ్ పింగ్ చేసాడు.. అదే టైం లో పార్టీ కి ఎక్కడకి వెళ్ళాలి అని డిస్కషన్ స్టార్ట్ అయ్యింది.... KFC,PizzaHut,Village ఇలా చాల అలోచించి చివరకి పిజ్జాహుట్ అని డిసైడ్ చేసారు... నాకు ఇండియా లో పిజ్జా అంటే అసలు ఇష్టం వుండదు.... అసలే చాలా ఆకలిగా వుంది కాని తప్పదు అని వెళ్ళాము. పిజ్జా బాయ్ ఆర్డర్ తీసుకుని 18 minutes 45 seconds కి ఆర్డర్ సర్వ్ చేస్తాము అని చెప్పి వెళ్ళాడు. కొంచం టైం తర్వాత పిజ్జా వచ్చింది, అది ఒక పీస్ తిన్నాక నాకు అలుపు వచ్చింది.... పిజ్జా ని బాయిల్ చేసే తీసుకువచ్చాడా అని ఒక డౌట్ కూడా వచ్చింది. దానిని సాగదీస్తే చక్రవాకం సీరియల్ కన్నా ఎక్కువ లేన్ఘ్ట్ వచ్చేలా వుంది. ఈ పిజ్జా కష్టాలు అయ్యిన తర్వాత మల్లి ఆఫీసు కి వచ్చాము.

వర్క్ చెయ్యటం స్టార్ట్ చేసాము. నాకు మా ఆఫీసు లో Onsites తర్వాత బాగా నచ్చే విషయం అంటే అది వర్క్. ఎవరో చేసిన తప్పుల్ని సరి చెయ్యటం కన్నా, నేను తప్పులు చేసే ఛాన్స్ వచ్చింది(Bug fixing కాకుండా , new platform development లో వున్నాము).... టీ టైం అని మా ఫ్రెండ్స్ కాఫెటేరియా కి పిలిచారు.... ఒక జ్యూస్ ఆర్డర్ చేసి తాగుతూ మా ఫ్రెండ్స్ డిస్కషన్ ని ఎంజాయ్ చేస్తున్నా...

ఇంతలొ Sasken లో వర్క్ చేసే ఫ్రెండ్ కాల్ చేసింది. తనతో మాట్లాడుతూ వుండగా తను మధ్యలో తుమ్మి, వెంటనే సాస్కెన్ అంది.... నాకు అర్థం కాకా సాస్కెన్ అన్నావ్ ఏంటి అని అడిగా..... తను wipro లో చేస్తున్నా , Sasken లో చేస్తున్నా తుమ్మినప్పుడు మాత్రం Satyam అనే అనాలా ? అందుకే ఈరోజు నుంచి తుమ్మినప్పుడు Sasken అందామని డిసైడ్ అయ్యా అంది. నాకు మైండ్ బ్లాక్ అయ్యి తనలోనే పోకిరి మహేష్ బాబు కనిపించాడు.కొంచం సేపు మాట్లాడాక హాచ్ వాడు నన్ను కరుణించాడు ..... సిగ్నల్ కట్ చేసాడు.

మా ఫ్రెండ్స్ ఈరోజు పాలిటిక్స్ గురుంచి డిస్కషన్ చేస్తున్నారు.... అది ఎలాగు నాకు అవుట్ అఫ్ ఇంట్రెస్ట్ కాబట్టి , నా ఏరియా అఫ్ ఇంట్రెస్ట్ లో ఎవరైనా మంచి తెలుగు అమ్మాయిలు కనపడతారేమో అని సెర్చ్ చేస్తున్నా.... ఇంతలొ నేను ఒక అమ్మాయిని చూడటం అది చూసి మా ఫ్రెండ్ తనని నాకు సిస్టర్ ని చెయ్యటం జరిగాయి..... మా ఫ్రెండ్స్ పొలిటికల్ డిస్కషన్ మాత్రం ఒక్క ఇంచ్ కూడా జరగలేదు.కొంచం సేపటి తర్వాత మల్లి వర్క్ చెయ్యటం స్టార్ట్ చేసాము....

కొంచం సేపటి తర్వాత ఈరోజు ఫ్రైడే అని గుర్తు వచ్చింది...చలో అని ఆఫీసు నుంచి రూం కి వచ్చా..హలో అని మా ఇంటి నుంచి కాల్ వచ్చింది...మా అమ్మ మాట్లాడుతూ ౩ ప్రశ్నలు అడిగింది, ఆ తర్వాత మా నాన్న కూడా అవే ౩ ప్రశ్నలు అడిగారు....మా అక్కకి కాల్ చేసి కాన్ఫరెన్స్ పెట్టాను... మా అక్క కూడా అదే ౩ ప్రశ్నలు అడిగింది.... తర్వాత మా బావ కూడా అవే ౩ ప్రశ్నలు అడిగారు..... మా అక్క వాళ్ళ అబ్బాయి ఆడుకుంటూ పడ్డాడు అంట... వాడితో మాట్లాడమని అక్క ఫోన్ వాడికి ఇచ్చింది...ప్రక్క నుంచి అక్క డబ్బింగ్ చెప్తుంటే వీడు కూడా అవే ౩ ప్రశ్నలు అడిగాడు ... రాజు మామ ఎలా వున్నావు ? ... భోజనం చేసావా ? .... ఘంటసాల ఎప్పుడు వస్తున్నావు ?... ౩ ప్రశ్నకు సమాధానం చెప్తూ వుండగా , వాళ్ళ తమ్ముడు వీడి సైకిల్ తీస్తున్నాడు అని ఫోన్ అక్కకి ఇచ్చేసి వాడు వెళ్ళిపోయాడు....

బాత్ రూం లో బాత్ చేసి ..... భగిని రెస్టారెంట్ లో భోజనం చేసి.....మా టీవీలో మూవీ చూసి..... ఫోన్ లో ఫ్రెండ్స్ కి కాల్ చేసి.....watch లో టైం చూసి .... అలారం ఆఫ్ చేసి.... దేవునికి ప్రే చేసి... పడుకున్నా...

నా గురుంచి

హాయ్ .... నా పేరు నాగరాజు ... ఇంజనీరింగ్ చేసి బెంగలూరు లో ఒక మంచి (?) సాఫ్ట్వేర్ కంపెనీ లో పని చేస్తున్నా. ఎప్పుడు లేజీ గ వుంటూ అప్పుడప్పుడు యాక్టివ్ గ వుండటం నాకు అలవాటు.... ఫ్రెండ్స్ దీనిని బద్ధకం అని పిలిస్తే .... అదేదో MIT or Stanford లో Ph.D సర్టిఫికేట్ లా ఫీల్ అయ్యిపోవటం నాకు వున్న మరో మంచి (?) అలవాటు.
ఇంకా నా గురుంచి చెప్పమంటే .......I like to take the life as it comes... Trust in God.....Believe in my self...respecting others as i respect myself.
If i lost my money , then i feel "i lost nothing".
If i lost my time , then i feel "i lost something precious".
If i lost my character, then there is nothing that i have with me.
At any cost i don't want to lose my character.I never want to impose my feelings on anybody. And i can be more comfortable if they let me live as i wish.
అప్పుడు ఎప్పుడో చిన్నపుడు ఆర్కుట్ లో రాసిన 'నా గురుంచి' ని కాపీ చేసి పేస్టు చేశా.... ఇంగ్లీష్ లో వుంది అని ఏమి అనుకోకండి ... ప్రస్తుతం నేను లేజీ మోడ్ వున్నా.

గొప్పగా చెప్పుకునే అలవాట్లు ఐతే ఏమి లేవు..... నిద్ర పోవటం ... మ్యూజిక్ వినటం... గేమ్స్ ఆడటం లేదా చూడటం... నేను ఇష్టం గా చేసే పనులు.
క్రికెట్ లో సచిన్ కి నా కన్నా మంచి అభిమాని ఎవరు వుండరు అని నాకో ఎదవ నమ్మకం( నాకు వున్న కొరియా ఫ్రెండ్ కి మన దేశం లో వున్న గొప్ప వ్యక్తుల్లో(బ్రతికి వున్న వాళ్ళలో) ౩ పేర్లు చెప్పమంటే ....సచిన్ .... అబ్దుల్ కలాం... రెహమాన్ అని చెప్పా..... నిజానికి ౩ సార్లు సచిన్ అని చెప్పి నా అభిమానాన్ని చూపిద్దాం అనుకున్నా.... కాని క్రికెట్ గురుంచి తెలియని వాడి దగ్గర ఎందుకులే అని అలా చెప్పా)... అప్పుడప్పుడు షటిల్ ఎప్పుడన్నా చెస్ అండ్ కార్రోమ్స్ ఆడుతూ వుంటా..
సినిమాలు చూడటం తక్కువే.... నాగార్జున నా అభిమాన హీరో అండ్ పవన్ అంటే కొంచం సాఫ్ట్ కార్నెర్ ...... త్రివిక్రం అండ్ శేఖర్ కమ్మల మూవీస్ మాత్రం మిస్ అవ్వకుండా చూస్తా....